Juventus thuhet se i ka ofruar Paul Pogba një marrëveshje trevjeçare me vlerë 7.5 milionë euro në sezon plus bonuset.

Francezi është në dispozicion si lojtar i lirë dhe do të largohet nga Manchester United në fund të kontratës së tij në qershor.

Juventusi është në kërkim të një mesfushori dhe dje u takua me përfaqësuesin e lojtarit në Torino. Sipas gazetarit Romeo Agresti të Goal.com, gjigantët e Serie A i kanë ofruar Pogbas një marrëveshje prej 7,5 milionë eurosh plus shtesa deri në vitin 2025.

#Juventus–#Pogba, l’offerta messa sul piatto dai bianconeri: €7.5M + bonus per 3 anni ???

? https://t.co/0VrQK3aOlq
?@GoalItalia

— Romeo Agresti (@romeoagresti) May 17, 2022

Juventus nuk është klubi i vetëm i interesuar për 29-vjeçarin pasi PSG është gjithashtu i interesuar për francezin.

Pogba tashmë u largua nga Manchester United në vitin 2012, duke iu bashkuar Juventusit si lojtar i lirë.

Ai qëndroi në Torino për katër vjet, duke u rikthyer në Old Trafford për një marrëveshje prej 100 milionë euro në verën e 2016.

Juventus është gjithashtu në bisedime me të deleguarit e Angel Di Marias dhe është afër arritjes së një marrëveshjeje për të si lojtar i lirë.

Bianconerët i kanë ofruar Di Marias një marrëveshje 7 milionë euro në vit për një sezon, plus një opsion për një sezon të mëtejshëm në Torino. /Telegrafi/