Manchester United ka arritur të marr një fitore të madhe në udhëtim tek City në derbin e qytetit në kuadër të xhiros së 16-të në Premier League.

“Djajtë e Kuq” triumfon në minutat e fundit të takimit me rezultat 1-2, shkruan Arbresh.info.

Gjithcka nisi më mirë për “Citiziens” të cilët shënuan me anë të Gvardiol në minutën e 36-të.

Një gabim i dyfisht i Matheus Nunes i kushtoi Cityt në pranimin e golit të parë. Fillimisht ai ktheu topin mbrapa duke i dhënë mundësi Diallos të mirë për të shënuar, e pastaj e fauloi atë dhe Untied fitoi penallti.

I pagabueshëm nga 11 metra ishte Bruno Fernandes i cili shënoi për 1-1 në minutën e 88-të.

Dy minuta më vonë, Diallo pas një pasimi maestral të Lisandro Martinezit shënoi për t’i dhënë epërsinë “Djajve”.

Deri në fund, City u mundua ta brazojë mirëpo pa ia arritur dot.

Kështu, Ruben Amorim e fiton derbin e parë të qytetit, ndërsa vazhdojnë rezultatet negative për Cityn.

Pas kësaj fitore Man. United ka 22 pikë kurse pesë më shumë ka Man. City në vendin e pestë./Arbresh.info