Manchester United raportohet të ketë refuzuar shansin për të nënshkruar me Cristiano Ronaldon para se ai t’i bashkohet Juventusit.

Superylli portugez iu bashkua skuadrës në Serie A për 105 milionë euro sot (e martë) pas nëntë viteve në Real Madrid, transmeton portali arbresh.info.

Gazetari Sam Pilger përmes një postimi në rrjetin social Twitter ka njoftuar se Manchester Unitedit i është ofruar shansi për të shtruar një ofertë për Ronaldon.

Bazuar në këtë burim, Jose Mourinho ka vendosur për të shikuar diku tjetër këtë verë.

“Djajtë e Kuq” ishin vazhdimisht duke u përfolur për transferimin e 33-vjeçarit, i cili u largua nga Old Trafford në vitin 2009 për transferim në Madrid.

Por, skuadra në Premierë Ligë nuk dëshironte transferimin e tij dhe Juventusi finalizoi marrëveshjen sonte./arbresh.info/

#MUFC were offered the chance to make a bid for Cristiano Ronaldo, but declined it and decided to spend their funds elsewhere this summer

— Sam Pilger (@sampilger) July 10, 2018