Lucescu tregon lojtarët nga të cilët futbollistët rumun duhet të kenë kujdes

16:12 | 14 Nëntor 2024
D.H

Kosova nesër luan sfidën e radhës në kuadër të Ligës së Kombeve ndaj Rumanisë.

Ndeshja do të luhet në Bukuresht me fillim nga ora 20:45, shkruan Arbresh.info.

Tashmë një ditë përpara ndeshjes, trajneri rumun, Mircea Lucescu ka folur rreth ndeshjes ku u ndal tek lojtari kryesor i Kosovës, Edon Zhegrova.

Lucescu foli edhe për lojtarët tjerë që ai i cilëson si më të rrezikshmit dhe lojtarët e tij duhet të kenë kujdes.

“Zhegrova është lojtar i jashtëzakonshëm, nëse i lejohet të luajë. Ne e mbyllëm mirë në Prishtinë. Në Evropë apo në ligë, ku i lejohet të luajë, ai është vendimtar. Kosova i ka 3-4 lojtarë të rëndësishëm. Rrahmani, Berisha, Muriqi dhe Zhegrova janë më të rëndësishmit”, tha ai.

Kujtojmë se ndeshjen e parë në Prishtinë, Rumania triumfoi me rezultat 3-0./Arbresh.info