Darwin Nunez ka qenë kryefjala e Liverpoolit në këtë merkato ku u flit për një largim të mundshëm të tij.

Fillimisht u raportua për një interesim të Milanit, por tashmë bëhet e ditur se edhe dy skuadra nga Arabia Saudite janë interesuar për shërbimet e uruguaianit, shkruan Arbresh.info.

Mirëpo “The Reds” nuk kanë pranuar që sulmuesi i tyre të largohet dhe kanë refuzuar këto oferta.

Nunez ani pse nuk është një startues i rregullt cilësohet si një pjesë e rëndësishme e skuadrës ku shpeshherë e tregon edhe vetën në çaste vendimtare.

Rasti i fundit ishte në udhëtimin në Brentford para dy xhirosh në Premier League ku i siguroi fitoren Liverpoolit në kohën shtesë me dy golat e tij.

25-vjeçari është pjesë e Liverpoolit që nga viti 2022 kur u transferua nga Benfica dhe ka një kontratë deri në vitin 2028.

Vlera e kartonit të tij aktual në faqen e specializuar për transferime “Transfermarkt” është 65 milionë euro./Arbresh.info