Real Madrid po kërkon të forcojë mesfushën për sezonin e ardhshëm dhe Alexis Mac Allister është një nga lojtarët që hyn në planet e klubit madrilen, duke qenë një prej të preferuarve të drejtuesve sportivë.

Nxjerrja e tij nga Liverpool nuk është e lehtë, por klubi anglez mund të negociojë largimin e argjentinasit drejt Bernabéut me një kusht: që Aurelien Tchouameni të marrë rrugën e kundërt raporton Defensa Central.

Liverpool është i gatshëm të dëgjojë ofertën e Real Madridit për Mac Allister nëse spanjollët pranojnë të përfshijnë Tchouameni, lojtarin që ata kanë tentuar të marrin që nga koha e tij te Monaco.

Francezi ka qenë gjithmonë i pëlqyer në Anfield, dhe formën e shkëlqyer të muajve të fundit e ka konfirmuar si një lojtar të nivelit të lartë.

Ai nuk dëshiron të largohet nga klubi ku është titullar i padiskutueshëm dhe ndihet shumë rehat.

Pyetja është nëse klubi spanjoll është i gatshëm ta përfshijë në ndonjë shkëmbim për të përforcuar mesfushën, duke marrë parasysh se mesfusha madrilene nuk po funksionon si duhet, edhe pse Tchouameni po bën një punë të jashtëzakonshme.

Nëse Liverpool vendos të dëgjojë oferta për Mac Allister, argjentinasi nuk do të largohet për më pak se 80 milionë euro.

Kjo do të bënte që Real Madrid të përfitonte ekonomikisht, pasi çmimi aktual i Tchouameni është më i lartë se kjo shifër.

Mac Allister pëlqehet nga Real Madrid prej kohësh, pothuajse sa Tchouameni nga Liverpool.

Ai shihet si një “lojtar i gjithanshëm” që mund të ndihmojë si në detyrat mbrojtëse, ashtu edhe në organizimin e lojës. Megjithatë, këtë sezon performanca e tij nuk ka qenë në nivele të larta, dhe në Anfield ka pak diskutime rreth rolit të tij.

Nevoja për ndryshime në mesfushë është urgjente, dhe kjo mund ta shtyjë Real Madridin të largojë një lojtar si Tchouameni, ose në variant tjetër, lojtarë si Camavinga apo Ceballos, të cilët nuk po arrijnë të tregojnë se kanë vend në skuadër.

Në tavolinë ka shumë emra: Vitinha dhe Kees Smit janë favoritët, ndërsa nuk përjashtohet mundësia e Enzo Fernández.

Tani, edhe opsioni Mac Allister po rikthehet në diskutim, dhe priten muaj të mbushur me spekulime se kush do të jetë motori i ri i mesfushës madrilene.

Kujtojmë se nga largimi i Kroosit dhe Modricit, Real Madridi vuan për një mesfushorë klasik./Arbresh.info