Liverpooli konfirmon largimin e Origit, tani radha që Milani ta zyrtarizojë

15:19 | 9 Qershor 2022
KRG

Divock Origi është liruar nga Liverpool dhe ka qenë vetë klubi i Ligës Premier që e ka konfirmuar këtë gjë.

Reprezentuesi belg ishte kthyer në një hero në Anfield me gola vendimtarë në gjysmëfinalet dhe finalet e Ligës së Kampionëve.

Madje golat e tij sollën fitore të rëndësishëm, si në një derbi Merseyside kundër Evertonit.

Liverpooli publikoi një sërë postimesh në Twitter duke e nderuar Origin.

Ai pritet të përfundojë kalimin te Milani në këtë afat kalimtar, me mediat italiane që shkruajnë se testet mjekësore tashmë janë kryer në fillim të qershorit.

Shpërndaje në rrjete sociale