Edhe një lojëtar i lënduar i Barcelonës. Listës i është bashkuar edhe Franck Kessie, i cili do të mungojë së bashku me disa emra të tjerë të rëndësishëm.

Xavi Hernandez po përballet me një kokëçarje në javët e fundit lidhur me futbollistët e lënduar dhe situata nuk po përmirësohet.

Mesfushori Kessie është lojtari që u lëndua në stërvitjet e ditës së mërkurë.

Në njoftimin zyrtar të klubit thuhet se 25-vjeçari e ka lënduar një muskul të kofshës së djathtë dhe akoma nuk dihet kohëzgjatja e saktë e mungesës.

Para njoftimit për futbollistin nga Bregu i Fildishtë, u bë e ditur se edhe Andreas Christensen do të mungojë për një kohë të pacaktuar.

Ndërsa, futbollistët tjerë që nuk mund të luajnë aktualisht janë: Ronald Araujo, Jules Kounde, Hector Bellerin, Frenkie de Jong e Memphis Depay.