Nico González ka pësuar një dëmtim muskulor në kofshën e djathtë, i cili do ta mbajë jashtë fushave për javët e ardhshme.

Lëndimi u shkaktua gjatë ndeshjes ndaj Gironës, duel në të cilin Diego Simeone u detyrua ta zëvendësonte mesfushorin argjentinas me Gallagherin, i cili më pas realizoi golin e dytë (0-2) që vulosi fitoren e Atleticos në Montilivi.

Ky dëmtim e bën të vështirë pjesëmarrjen e Nico González në Superkupën e Spanjës. Edhe pse rikthimi i tij do të varet nga ecuria e rehabilitimit, fakti që mungesa pritet të zgjasë rreth dy javë nuk ka sjellë optimizëm për praninë e tij në trofeun e parë të sezonit.

Sipas planit të parashikuar, Nico udhëtoi dje drejt Argjentinës për të nisur pushimet së bashku me disa bashkëlojtarë.

Pikërisht atje do të fillojë procesin e rikuperimit nga dëmtimi muskulor, i cili mund t’ia pamundësojë paraqitjen në ndeshjet e Superkupës që do të zhvillohen në Arabinë Saudite.

Duhet theksuar se lojtari i huazuar është shndërruar në titullar të padiskutueshëm në krahun e majtë që nga ardhja e tij, duke qenë një emër fiks në formacionet e Simeones.

Trajneri argjentinas pati rol kyç në afrimin e tij gjatë ditëve të fundit të merkatos së verës, çka e bën mungesën e Nico González një goditje të ndjeshme për Atleticon./Arbresh.info