Leicester City është duke kërkuar rikthimin e ish anësorit të Manchester United, Adnan Januzajt, në Premierë Ligë.

Reprezentuesi i Belgjikës me prejardhje shqiptare ka qenë duke luajtur nga sezoni i kaluar te Real Sociedadi dhe ka pasur ndikim pozitiv në Kampionatin Botëror duke shënuar supergol kundër Anglisë në ndeshjen e fundit në kuadër të fazave grupore, transmeton portali arbresh.info.

United mësohet të ketë vendosur një klauzolë të riblerjes së 23-vjeçarit në marrëveshjen me të, por ajo nuk pritet të aktivizohet në këtë fazë.

Januzaj u transferua te Real Sociedadi në muajin korrik të vitit 2017 pas sezoneve si një i huazuar te Borussia Dortmundi dhe Sunderlandi, ku iu bashkua ish trajnerit të United – David Moyes.

Tani, mësohet se Leicesteri është duke menduar të rikthej atë në futbollin anglez për shkak se ata synojnë të përforcojnë skuadrën e tyre para se të mbyllet merkato e transferimeve.

Januzaj ka bërë 35 paraqitje te Sociedadi sezonin e kaluar duke shënuar në përgjithësi katër gola brenda të gjitha kompeticioneve./arbresh.info/