Në dy vitet e fundit, i riu Lamine Yamal ka dëshmuar pa asnjë dyshim aftësitë e tij të jashtëzakonshme të futbollit, pavarësisht se ende nuk ka mbushur moshën 18.

Si 17 vjeçar, anësori është kthyer në një nga futbollistët më të njohur në planet, duke qenë pjesë e pandashme si e FC Barcelona ashtu edhe e kombëtares spanjolle.

Me këtë të fundit, ai tashmë ka fituar UEFA EURO 2024, ndërsa me Blaugranasit, ka fituar Superkupën e Spanjës dhe është në rrugën e duhur për të fituar tre trofe të tjerë të mëdhenj këtë sezon, La Liga, Copa del Rey dhe UEFA Champions League.

Ai ka marrë edhe shumë vlerësime individuale në këto dy vitet e fundit, pasi ka marrë Trofeun Kopa, çmimin Golden Boy, si dhe lojtarin e ri të turneut në Kampionatin Evropian të UEFA-s.

Tani, siç ka raportuar Mundo Deportivo, ai ka shtuar një tjetër titull në listën e çmimeve individuale, pasi iu dha çmimi Laureus, i cili feston ndikimin sportiv dhe social të të riut të Barcelonës, në një ceremoni në Madrid mbrëmë.

Vetë Yamal nuk ishte në gjendje të merrte pjesë në këtë event dhe ish-lojtari i Blaugranas, Thiago Alcantara e përfaqësoi atë dhe mori çmimin në emër të tij, pasi vetë shpalli vendimin e jurisë.