Grupi Bellagraph Nova Group (BNG), ka pranuar se ishin duke provuar që të transferonin yllin e Juventus-it, Cristiano Ronaldo te Newcaslte United-i.

Sipas Daily Telegraph, kompania e sheikëve kanë ofruar rreth 280 milionë euro për blerjen e klubit anglez, transmeton portali arbresh.info.

Ata gjithashtu punësuan ish sulmuesit e Newcastle, Alan Shearer dhe Michael Chopra që të arrihet sa më parë marrëveshja.

Kompania përmes një postimi në Twitter ka konfirmuar interesimin për Ronaldo-n, për të cilin kanë thënë se ishte i duhuri për të reprezentuar vlerat e klubit.

“Ndërsa kërkon të zgjerojë kufijtë tanë dhe të kemi përsosmëri, BNG është në kërkim të aventurave të rreja sportive që do na dërgojë në krijimin e sinergjive të reja me klube dhe lojtarë të ndryshëm si Cristiano, i cili është një përfaqësues i vërtetë i vlerës sonë”, ka shkruar BNG në Twitter.

https://twitter.com/BellagraphNova/status/1295024205248049157

Thuhet se BNG është në negociata të avancuara me presidentin momental të Newcastle, Mike Ashley.

Kompani që e ka bazën në Paris, gjithashtu ka premtuar se do bëjë kontribut masiv për të rindërtuar skuadrën.

Ronaldo momentalisht ka edhe dy vite kontratë, mirëpo e ardhmja mbetet në pikëpyetje shkaku i eliminimit në Ligën e Kampionëve./arbresh.info.