Klubi i madh konfirmon interesimin për Adnan Januzajn

22:24 | 16 Qershor 2017
Arbresh Info

Real Sociedad ka konfirmuar interesimin e tyre për kosovarin Adnan Januzaj.

Por, skuadra në La Liga ka pranuar se ata duhet të luftojnë për të arritur një marrëveshje me anësorin e Manchester United, i cili ishte i huazuar nga Sunderlandi sezonin e kaluar, transmeton portali arbresh.info.

Lexo edhe: Sa kushton superylli Cristiano Ronaldo?

Manchester United kërkon 10 milionë funta, por klubet e tjera si Milani, Marseille dhe Lyoni janë duke u sillur përreth 22-vjeçarit.

“Është e vërtetë që ne jemi të interesuar [për Januzajn], por ne nuk jemi në bisedime me Manchesterin ose me të”, tha Jokin Aperribay, presidenti i Real Sociedadit.

Lexo edhe: “Çmenden” pas kosovarit Adnan Januzaj (FOTO)

“Ne jemi duke pritur për vendimin e Manchester United dhe më pas do të reagojmë. Janë shumë klube të interesuara për shërbimet e tij dhe nënshkrimi me të nuk do të jetë i lehtë”, përfundoi Jokin./arbresh.info