KFF Mitrovica mëson kundërshtaren e parë për rrethin e parë kualifikues në Ligë të Kampionëve

18:04 | 24 Qershor 2025
D.H

Gjatë ditës së sotme në Gjenevë të Zvicrës, është hedhur shorti për kualifikimet e Ligës së Kampionëve në kategorinë e vajzave.

Si kampion i Kosovës, në këtë kompeticion do të marrë pjesë KFF Mitrovica, shkruan Arbresh.info.

Kjo skuadër ka kuptuar sot kundërshtaret për rrethin e parë të cilat do të jenë Cliftonville Ladies nga Irlanda e Veriut.

Në rast të fitores ndaj skuadrës Cliftonville Ladies, Mitrovica për të kaluar në raundin e dytë do t’i duhet ta mposht skuadrën nga Gjeorgjia, WFC Lanchkhuti.

Ndeshja e parë me Cliftonville Ladies luhet me datë 30 qershor.

KFF Mitrovica do të jetë nikoqir i turneut të raundit të parë të UEFA Women’s Champions League, që do të zhvillohet në Kosovë./Arbresh.info

Shpërndaje në rrjete sociale