Java e 13-të në elitën e basketbollit të Kosovës solli ndeshje interesante, duke veçuar derbit mes Trepçës e Bashkimit dhe Pejës e Sigal Prishtinës.

Basketbollisti me indeksin më të lartë ishte Kevin Davis i Trepçës, i cili ndaj prizrenasve ndeshjen e mbylli me 24 pikë, shtatë kërcime dhe tri asistime, duke e pasur indeksin e lojës 32, apo më të lartin, përcjell Arbresh.info.

Në fitoren e Sigal Prishtinës ndaj Pejës u dalluan Shaheed Davis dhe Derrick Wilson. Davis e përfundoi ndeshjen me 26 pikë, nëntë kërcime dhe katër asistime, kurse Wilson me 13 pikë, nëntë kërcime dhe gjashtë asistime.

Në një ndeshje mjaft interesante, Golden Eagle Ylli mundi Proton Cable Prizrenin, ku te therandasit, qendra e Kosovës, Gëzim Morina luajti me 17 pikë, shtatë kërcime dhe pesë asistime.

Vëllaznimi regjistroi fitoren e shtatë në këtë edicion, duke mundur Istogun, ku më i miri te kuqezinjtë ishte Burim Zekiqi me 19 pikë, tri kërcime dhe një asistim./Arbresh.info/

Top 5

Kevin Davis (Trepça) 24 pikë, 7 kërcime, 3 asistime, 32 indeksi

Shaheed Davis (Sigal Prishtina) 26 pikë, 9 kërcime, 4 asistime, 30 indeksi

Derrick Wilson (Sigal Prishtina) 13 pikë, 9 kërcime, 6 asistime, 22 indeksi

Gëzim Morina (Golden Eagle Ylli) 17 pikë, 7 kërcime, 5 asistime, 20 indeksi

Burim Zekiqi (Vëllaznimi) 19 pikë, 3 kërcime, 1 asistim, 19 indeksi