Gareth Bale është bërë lojtar i padashur te Real Madrid-i nga trajneri Zinedine Zidane, por ai nuk është i pari dhe nuk do jetë i fundit.

Ish ylli i Tottenham-it, qëndron në stol, ndërsa fiton 600 mijë euro në javë për të luajtur golf, transmeton portali arbresh.info.

Këtë sezon uellsiani ka qenë plotësisht i ‘ngrirë’ nga Zidane, mirëpo nuk është lojtari i parë që i ka ndodhur ky problem.

Këta janë shtatë lojtarët që Zidane nuk i ka lejuar të jenë titullar:

James Rodriguez

Ende është në Real Madrid, por pritet të shitet gjatë verës.

Gjatë këtij sezonit nuk ka luajtur 90% të ndeshjeve duke qëndruar në stol.

Keylor Navas

Për një kohë të gjatë Navas ishte i paprekshëm në formacionin e Zidane-s.

Mirëpo, me transferimin e Thibaut Courtois, gjërat ndryshuan dhe Navas u detyrua të largohet për minutazhë më të lartë.

Mateo Kovacic, Dani Ceballos dhe Marcos Llorente

Treshja mesfushorët asnjëherë nuk ia doli të shkëlqejë te Real-i.

Të tre lojtarët ishin mbrapa Toni Kroos, Luka Modric dhe Casemiro, ndërsa Zidane refuzonte të ndryshonte mesfushën.

Kovacic kaloi të Chelsea, Ceballos është huazim te Arsenal-i ndërsa Llorente është duke shkëlqyer te rivali lokal, Atletico.

Alvaro Morata

Morata u rikthye te Real-i pas një transferimi të suksesshëm me Juventus-in, mirëpo Zidane gjithmonë e pëlqente Karim Benzema dhe spanjolli qëndroi në stol.

Achraf Hakimi

Maroku kaloi dy sezone huazim te Borussia Dortmund, mirëpo edhe pse shkëlqeu Zidane nuk tha se e dëshiron në skuadër.

Muajin e kaluar lojtari u shit te Inter Milan-i./arbresh.info.