Kessie refuzon një ofertë të majme nga Milani për vazhdimin e kontratës

11:35 | 4 Shtator 2021

Franck Kessie është futur në vitin e fundit të kontratës me AC Milanin.

Mesfushori afrikan është në negociata me klubin për vazhdimin e kontratës, por ende nuk ka një marrëveshje.

La Gazzetta dello Sport ka raportuar se Milani i ka bërë një ofertë të majme lojtarit, duke i ofruar pagë prej 6,5 milionë eurove në sezon.

Përkundër shumës së lartë të ofruar nga Milani, ka qenë vet mesfushori ivorian që ka refuzuar vazhdimin e kontratës.

24-vjeçari deri te refuzimi i kësaj kontrate ka ardhur pasi ka pasur interesime nga klube të tjera për të.

Paris Saint Germain, Liverpool dhe Tottenham Hotspur janë tri skuadrat që kanë kontaktuar me agjentin e lojtarit.

Kessie nuk dëshiron të ngutet për vazhdimin e kontratës deri në janar, ku do t’i dëgjojë edhe propozimet e klubeve të tjera për pagën e tij.

Reprezentuesi i Bregut të Fildishtë është pjesë e Milanit që nga viti 2017, kur iu bashkua Rossonerëve nga Atalanta. /Telegrafi/

Shpërndaje në rrjete sociale

Lajmet më të lexuara