Juventusi ka shënuar fitore të rëndësishme 2-0 ndaj Benficas në ndeshjen e shtatë të fazës së ligës në Ligën e Kampionëve.

Zonja e Vjetër kaloi në epërsi në minutën e 55-të, kur Khéphren Thuram realizoi një aksion individual të shkëlqyer dhe goditi saktë nga brenda zonës për 1-0.

Vetëm nëntë minuta më vonë, Ëeston McKennie vulosi rezultatin, pasi u shërbye bukur nga Jonathan David dhe dërgoi topin në cepin e majtë të portës për 2-0.

Benfica pati shansin ideal për t’u rikthyer në lojë në minutën e 81-të, por Vangelis Pavlidis dështoi nga pika e bardhë, duke e dërguar penalltinë shumë jashtë portës.

Më herët, portieri i Juventusit Michele Di Gregorio u tregua vendimtar me pritje spektakolare ndaj goditjes së Georgiy Sudakov, ndërsa për Benficën fati nuk ishte në anën e saj as në minutën e 69-të, kur Fredrik Aursnes goditi shtyllën pas një goditjeje nga këndi.

Në këtë fitore nuk u paraqit Edon Zhegrova.

Me këtë fitore, Juventusi kalon në pozitën e 15-të me 12 pikë, kurse Benfica është e 29-ta me gjashtë sosh.

Takimin e fundit, Juve e luan ndaj Monacos në udhëtim kurse Benfica e pret Real Madridin./Arbresh.info