Gjiganti italian Juventusi është duke kërkuar transferimin e mbrojtësin të Arsenalit, Shkodran Mustafit.

Bazuar në gazetën italiane ‘Calciomercato‘, “Zonja e Vjetër” ka identifikuar mbrojtësin shqiptar si shënjestër të tyre për transferim në merkaton dimërore, transmeton portali arbresh.info.

Mustafi ka pasur një sezon të përzier nën ngjyrat e Arsenalit deri tani dhe aktualisht është duke qëndruar jashtë fushe për shkak të lëndimit që mori në disfatën 3 me 1 ndaj Manchester United në Emirates.

Arsene Wenger mësohet se nuk dëshiron të heq dorë nga shërbimet e Mustafit të paktën deri në fund të sezonit, por Juventusi mund të reagoj në janar për të siguruar transferimin e tij pasi Benedikt Howedes do të qëndroj për një kohë të gjatë jashtë linjave.

Shkodran Mustafi ka realizuar një gol brenda 9 paraqitjeve këtë sezon te “Topçinjtë”./arbresh.info/