Juventus ka siguruar pjesëmarrjen në Ligën e Kampionëve për edicionin 2025/26, pas fitores me Venecian me rezultat 2-3.

Një ndeshje aspak e lehtë për “Zonjën e Vjetër”, ku nga minuta e dytë ishin në disavantazh, shkruan Arbresh.info.

Fila shënoi për vendasit. Mirëpo bardhezinjtë, u rikthyen në minutën e 25-të me golin e Yildiz. Kolo Muani pas gjashtë minutash shënoi për 1-2.

Venecia barazoi pas 55 minutash me anë të Haps. Por Juventusi u rikthye sërish në epërsi me golin e Locatellit nga penalltia.

Me këtë fitore Juventusi shkoi në kuotën e 70 pikëve ku siguroi pozitën e katërt në tabelë.

Pavarësisht fitores së Romës me rezultat 2-0, nuk mjaftoi ky triumf për kryeqytetasit të cilët mbetën në pozitën e pestë me një pikë më pak se Juventusi.

Kështu pas përfundimit të kampionatit të Serie A, katër skuadrat që siguruan pozitat për Ligën e Kampionëve janë Napoli, Inter, Atalanta dhe Juventusi./Arbresh.info