Real Madridi nesër luan ndeshjen e kthimit ndaj Arsenalit në kuadër të çerekfinales në Ligën e Kampionëve.

Ndeshja e parë në Londër përfundoi 3-0 në të mirë të “Topçinjve”, shkruan Arbresh.info.

Pavarësisht disfatës së thellë tek Reali besojnë në një rikthim të madh.

Ishte mesfushori anglez, Jude Bellingham i cili u shfaq optimist për një rikthim të Realit në konferencën për media para kësaj sfide.

“Fjala më e përdorur në dhomën e zhveshjes në ditët e fundit është Remontada”.

“Në kohën kur u kthyem në autobus në Londër, të gjithë besuam se mund të kthejmë rezultatin. Ne po shkojmë me mentalitetin se vetëm një rikthim është i mundur. Kemi besim për shkak të historisë së klubit”, u shpreh ai.

Tutje anglezi foli edhe për gjuajtjet e lira të Ricet në ndeshjen e parë ku shënoi dy herë nga faulli.

“Gjuajtjet e lira të Declan Rice ishin befasuese! Nuk e kam parë ta bëjë këtë më parë, kështu që i lumtë atij”, u shpreh Bellingham.

Sfida mes Real Madridit dhe Arsenalit fillon nesër nga ora 21:00 dhe pritet të luhet nën çatinë e mbyllur të “Santiago Bernabeut”./Arbresh.info