Ad Banner
Ad Banner
Ad Banner
Ad Banner

Jon Kuka `rrah` serbin, fiton të bronztën

23:29 | 25 Tetor 2025
R J

Xhudisti kosovar Jon Kuka shkëlqeu në Kupën Evropiane për Kadetë, që u mbajt në Kranjska Gora, Slloveni, duke siguruar medaljen e bronztë pas një paraqitjeje mbresëlënëse.

Në xhiron e parë, Joni triumfoi me Ippon ndaj gjermanit Moritz Schubert. Kurse në xhiron e dytë, ai mposhti me dy Yuko austriakun Djamil Kurbanov.

Në ndeshjen e radhës, pavarësisht një performance të mirë, Joni u mund me Wazari nga holandezi Celil Uyar.

Ndërsa në repasazh, Joni tregoi forcë dhe vendosmëri. Fillimisht mposhti me Ippon izraelitin Yuval Fuchus.

Më pas fitoi me tri shido për Ippon kundër francezit Yanis Semadi, duke siguruar biletën për ndeshjen për medalje të bronztë.

Kurse në përballjen vendimtare, Jon Kuka triumfoi me dy Yuko ndaj serbit Lazar Bogdanoviq duke u ngjitur në podium dhe siguruar medaljen e bronztë për Kosovën./rtk

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm