Interi dhe Atletico Madridi, ishin klubet që kishin avancuar në bisedime për Edinson Cavanin, por së fundmi në garë është futur edhe Napoli që po i ofron një kontratë intriguese sulmuesit uruguaian.

Drejtori sportiv i Paris Saint-Germain, Leonardo, e ka konfirmuar tashmë që Cavani do të largohet dhe do të jetë lojtar i lirë këtë verë, kështu që mund të zgjedh vetë destinacionin e tij të radhës.

Atletico Madrid besohet se ishte favoritët përpara Interit, por tani ka dalë një opsion i tretë dhe më intrigues.

Sipas ueb faqes franceze “Le10Sport.com”, Napoli ka qenë në kontakt me “El Matador”, duke i kërkuar një rikthim të bujshëm në “San Paolo”.

33-vjeçari famën e ka fituar në Napoli, ku ka luajtur në vitet 2011 – 2013, para se të transferohej te PSG për 64 milionë euro.

Cavani kishte shënuar 104 gola në 138 ndeshje zyrtare për Napolin, duke lënë gjurmë në këtë klub.