Interi është afër marrëveshjes prej 40 milionë euro me mbrojtësin qendror të Romas, Kostas Manolas.

Mbrojtësi grek ka qenë duke u kërkuar për transferim larg nga stadiumi ‘Stadio Olimpico’ verën e kaluar, por klauzola e tij e integruar në kontratë kërkonte që “Giallorossët” të dhuronin gjysmën e tarifës tek klubi i mëparshëm i lojtarit – Olympiakos.

Tani, kjo klauzolë nuk aplikohet më dhe mediat italiane raportojnë që “Nerazzurrët” janë afër marrëveshjes rreth Kostas Manolas, transmeton portali arbresh.info.

Mendohet që lojtari ka dhënë pëlqimin e tij rreth transferimit derisa klubet janë në prag të marrëveshjes me vlerë prej 40 milionë euro.

Kjo shifër është rritur dukshëm duke marrë parasysh tarifën prej vetëm 13 milionë që i kushtoi Romas për transferimin e Manolas./arbresh.info