Zlatan Ibrahimovic bëri një paraqitje të shkëlqyeshme por një gol dhe një asist nga ai nuk mjaftuan për Los Angeles Galaxy ndaj New York Red Bulls, pasi skuadra e tij humbi 3:2 të shtunën mbrëma.

Los Angeles Galaxy u mposht 3:2, në një ndeshje në të cilën sulmuesi suedez kontribuoi në të dy golat, dhe mbetet në vendin e dytë në konferencën perëndimore të MLS-së, shkruan Gazeta Express.

Ibrahimovic asistoi për Antuna në minutën e 39-të, i cili barazoi rezultatin në 1:1, pasi paraprakisht Tarek e kishte kaluar Red Bulls në epërsi.

Katër minuta më vonë, Ibra shënoi një supergol me kokë, duke i dhënë epërsinë skuadrës së tij për herë të parë në këtë takim.

Megjithatë, dy gola në pjesën e dytë nga Rzatkowski dhe Etienne, i siguruan Red Bulls fitoren ndaj La Galaxy. /Gazeta Express/