Inter mbrëmë eliminoi Barcelonën nga gjysmëfinalja e Ligës së Kampionëve, duke e mposhtur 4-3 pas vazhdimeve.

Rezultati nga dy sfidat ishte 7-6 në të mirë të zikaltërve, shkruan Arbresh.info.

Në fakt për një moment, Inter e pa vetën buzë eliminimit, por në skenë u shfaq Francesco Acerbi me një gol në minutën e tretë shtesë për ta barazuar rezultatin në 3-3.

Italiani ka një histori të vecantë e cila është bërë mjaft mediatike.

Francesco Acerbi e nisi karrierën e tij në vitin 2006 dhe që nga ajo kohë ka përjetuar një rrugëtim të jashtëzakonshëm si brenda fushës ashtu edhe jashtë saj.

Ai e ka mposhtur kancerin dy herë, ka luftuar me sukses depresionin dhe varësinë nga alkooli – duke u rikthyer gjithmonë më i fortë.

Gjatë karrierës së tij ka luajtur për 10 klube të ndryshme në Itali.

Në moshën 37-vjeçare, Acerbi shënoi golin e tij të parë ndonjëherë në Ligën e Kampionëve, në minutën e 93-të të gjysmëfinales ndaj Barcelonës.

Goli i tij barazoi rezultatin dhe çoi ndeshjen në vazhdime, të cilat më pas u fituan nga Interi./Arbresh.info