Hato ka arritur marrëveshje me Chelsean, mungon vetëm marrëveshja finale mes klubeve

22:17 | 23 Korrik 2025
D.H

Chelsea ka arritur një marrëveshje për kushtet personale me Jorrel Haton dhe mbrojtësi i ka kërkuar Ajaxit të largohet.

Sipas ekspertit të transferimeve, Fabrizio Romano, negociatat po shkojnë drejt fazës përfundimtare, pasi çmimi i diskutuar tani është rreth 40 milionë euro.

Hato informoi menaxhmentin e Ajaxit dhe trajnerin për dëshirën e tij të qartë për t’u bashkuar me Chelsean.

Aktualisht ai ka një kontratë me Ajaxin që e mban të lidhur me klubin deri në vitin 2028.

Futbollisti ka dal nga akademia dhe deri më tani ka luajtur 111 ndeshje zyrtare me skuadrën nga Amsterdami, ku ka shënuar katër gola dhe ka asistuar nëntë.

Ai luan në pozitën e mbrojtësit të majtë, mirëpo mund të luaj edhe si qendërmbrojtës./Arbresh.info