Pep Guardiola po has në probleme me lojtarët kohëve të fundit.

Pas ndeshjes me Tottenhamin, Manchester City ka humbur edhe dy futbollistë tjerë mjaft të rëndësishëm si Dias e Savinho, shkruan Arbresh.info,

Ndërkohë në një intervistë, Pep Guadriola ka thënë se ka vetëm 13 futbollistë.

“Jemi në telashe”, ka thënë Guardiola. Savinho e Ruben Diasi u lënduan të mërkurën mbrëma, ndërsa Manuel Akanji nuk ishte i gatshëm plotësisht për lojë dhe mbeti në bankën rezervë.

“Kemi 13 futbollistë dhe jemi në situatë shumë të vështirë. Me të tilla probleme u përballëm edhe në ndeshjen e javës së kaluar. Shumica prej lojtarëve e përfunduan duelin me lëndime. Do të shohim se si do të shkojë faza e rikuperimit të tyre. Kemi probleme sepse në nëntë vjet, asnjëherë nuk jemi ballafaquar me situatë të tillë. Shumë lëndime për shumë arsye”, ka deklaruar Guardiola.

Në ndeshjen e mbrëmshme ndaj Tottenhamit në kuadër të Carabao Cup, City ishte pa gjashtë lojtarë të ekipit teksa edhe Haaland mungoi pasi trajneri e la të pushojë për këtë sfidë.

Të udhëhequrit e Guardiolës u mposhtën me rezultat 2-1 nga Tottenhami./Arbresh.info