Gruja e Icardit thumbon Lukakun: Ai do ta shikojë Ligën e Kampionëve në TV

14:40 | 23 Dhjetor 2019
Arbresh Info

Gruja e Mauro Icardit njëkohësisht agjentja e tij, Wanda Nara ka thënë se sulmuesi i Interit, Romelu Lukaku do të shohë Ligën e Kampionëve në televizion.

Lukaku u transferua në Inter gjatë afatit veror, gjë që bëri që Icardi të mos këtë vend në skuadër dhe u huazua nga PSG, transmeton portali arbresh.info.

Belgu gjithashtu ia mori numrin nëntë në fanellë argjentinasit, edhe pse ky i fundit ishte ende në “San Siro”.

Wanda ka thënë se personi i fundit që ka mbajtur numrin nëntë në fanellë ka shënuar 150 gola për “Neurazurët”.

“Do të doja ta shihja Lukakun në formë të mirë në ndeshjet e mëdha. Nuk ka shënuar në Ligën e Kampionëve, do të shohë 1/16 e Ligës së Kampionëve në TV. Numri nëntë i fundit ka shënuar 150 gola për Interin”

Icardi ka thënë se dëshiron të kompletojë transferimin në PSG, pasi është në formë të mrekullueshme./arbresh.info.