Sulmuesi francez i Atletico Madridit, Antoine Greizmann ka zbuluar në librin e tij se ishte afër transferimit në Arsenal.

Në verën e vitit 2013, Greizmann kishte vendosur të largohej nga Real Sociedadi pas një super sezoni që kishte kaluar në aspektin personal, raporton Daily Mail, transmeton arbresh.info.

Grezimann ishte vetëm 22 vjeçar dhe kishte tërhequr interesim e gjigantit anglez, Arsenal. Klubi londinez kishte kontaktuar me agjentin e francezit, Eric Olhats nëpërmjet skautit të tyre, Gilles Grimandi.

Po në atë verë Arsenali kishte tentuar të transferojë Luis Suarez nga Liverpooli dhe Gonzalo Higauin nga Real Madrid.

Ylli i Atletico Madrid këtë e zbuluar në librin autobiografik të tij të sapo lansuar në treg.

“Unë isha në pritje, pritje, pritje. Isha në pritje të ndonjë lajmi dhe agjenti i im kishte thirrur Grimandin, i cili i kishte thënë të pres ende sepse Ëenger ështe ende i interesuar në shërbimet e tij”, shkruhet në librin e tij.

“Vetëm disa orë para se afati kalimtar të mbyllej, Grimandi na tregoi se Arsenali nuk do të bëjë ofertë. Unë nuk e pëlqejë që dikush të premtojë dhe në fund të mos ndodhë. Kur Eric më tregoi se Arsenali ka shfaqur interesim prap për mua, i thash që ta harrojë, pas refuzimit që ata na kishin bërë”, ka shkruar Greizmann në librin e tij autobiografik.

Arsenali në fund kishte nënshkruar sulmuesin francez Yaya Sanogo. /arbresh.info/