Transferimi i Olivier Giroud te Lille u konfirmua zyrtarisht nga presidenti i klubit francez, Olivier Letang.

Me mbërritjen e Samuel Umtiti, Lille mund të mirëpresë së shpejti një tjetër fitues të Kupës së Botës me Francën. Giroud, 38 vjeç, i cili u largua nga Milani verën e kaluar për t’u bashkuar me skuadrën e MLS, Los Angeles FC, duket se është gati t’i japë fund aventurës së tij amerikane.

Koha e tij e kufizuar e lojës në Los Angeles dhe nevoja urgjente e Lille për të forcuar sulmin e tyre, me Jonathan David që tashmë do largohet nga Lille, hapën derën për rikthimin e Giroud në Evropë.

“Olivier Giroud është një lojtar i nivelit të lartë që ka luajtur për klube të mëdha evropiane që nga viti 2012 dhe ka performuar jashtëzakonisht mirë. Ai është një person i jashtëzakonshëm, ashtu si edhe familja e tij. Do të isha i lumtur që ai të bashkohej me ne sepse ai mishëron gjithçka që kërkojmë: aftësi, përvojë, standarde të larta dhe vlera të forta njerëzore”, tha Letang.

Edhe pse presidenti pranoi se Giroud është ende nën kontratë me LAFC dhe se një transferim mund të duket i komplikuar, në realitet nuk ka asgjë që e pengon këtë lëvizje. Klubi amerikan nuk është kundër largimit të Giroud; përkundrazi. LAFC po kërkon të nënshkruajë Thomas Muller, gjë që e bën largimin e Giroud edhe më tërheqës.

Sa i përket financave, Giroud thuhet se fiton rreth 3 milionë euro në SHBA, por është i gatshëm të pranojë një ulje page.