Për shkak të bllokadës së krijuar nga përhapja e pandemisë Covid-19, adhuruesve të sporteve luftarake iu është dashur të presin gjatë për ta parë një ndeshje të mirëfilltë.

Përballja në mes Justin Gaethje dhe Tony Ferguson nuk i zhgënjeu ata, shkruan ESPN, transmeton Klan Kosova.

Ky dyluftim që konsiderohet se është kryer midis dy atletëve më mbresëlënës në historinë e UFC-së, ka përfunduar me një rezultat krejt të papritur.

Gaethje ka arritur ta mposht Fergusonin në raundin e pestë – në ngjarjen kryesore të UFC 249 që u zhvillua të shtunën mbrëma në Jacksonville të Floridës.

Kjo fitore, ia solli atletit Gaethje titullin e lehtë të përkohshëm të UFC-së.

Pasi atij iu dha ky titull nga presidenti i UFC-së Dana White, Justin Gaethje ka thënë se “do të pres për titullin e vërtetë”.

Kujtojmë se zakonisht Ferguson është i njohur për përgjakjen e kundërshtarëve, por këtë radhë ishte ai që u përgjak pasi që në fund të përballjes të dy sytë e tij ishin të fryrë dhe kishte një prerje të madhe në faqen e djathtë.

https://youtu.be/wR_UNNhTGQY