Roma është duke kërkuar ta përforcojë repartin ofensivë.
Shumë emra janë përfolur si të mundshëm për t’iu bashkua ‘Giallorosëve’, por duket se në fund do t’i bashkohet spanjolli Deulofeu.
Sulmuesi këmbëshpejtë nuk ka gjetur hapësirat e duhura te Barcelona dhe ka kërkuar largimin nga klubi.
Mediat italiane kanë raportuar se Roma tani ka dërguar një ofertë zyrtare në drejtim të Barcelonës për sulmuesin.
Verdhekuqtë kanë ofruar pesë milionë euro për huazimin e lojtarit dhe 20 të tjera në fund të sezonit për blerjen përfundimtare.
Deulofeu duke festuar një gol këtë sezon me Barcelonën
Ende nuk ka një përgjigje konkrete nga Barcelona e cila po kërkon që ta shesë menjëherë lojtarin e tyre.
Gjithsesi kryeqytetasit janë në bisedime me Barcelonën edhe për mbrojtësin Aleix Vidal.
Marrëveshja mes dy klubeve mund të mbyllet gjatë ditëve të para të javës së ardhshme.
Kujtojmë që Deulofeu ka luajtur më parë në Serie A me Milanin ku kishte shënuar katër gola dhe kishte bërë katër asistime në 17 takime. /Telegrafi/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...