Sonte me fillim nga ora 21:00 stadiumi “San Siro” do të jetë nikoqir i derbit mes Milanit dhe Paris Saint-Germain, ndeshje kjo e vlefshme për xhiron e katërt të fazës së grupeve të Ligës së Kampionëve.

Në xhiron e fundit të zhvilluar në këtë garë, të dyja këto skuadrat u takuan në “Parc des Princes”, ku PSG e mposhti bindshëm Milanin 3:0.

Momentalisht, PSG zë vendin e parë në Grupin F me gjashtë pikë të arkëtuara pas tri ndeshjeve, krahas Milanit që renditet i fundit (4) në kuotën e vetëm dy pikëve.

Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Milanin nuk do të paraqiten Bennacer, Caldara, Kalulu, Pellegrino dhe Sportiello, kurse te PSG mungojnë Asensio, Kimpembe, Mendes, Navas, Pereira dhe Rico.

Tanimë të dy trajnerët kanë publikuar formacionet zyrtare, dhe ato i gjeni më poshtë.

Milan (4-3-3): Maignan; Calabria, Tomori, Thiaw, Hernandez; Loftus-Cheek, Reijnders, Musah; Pulisic, Giroud, Leao

Paris Saint-Germain (4-3-3): Donnarumma; Hakimi, Marquinhos, Skriniar, Hernandez; Ugarte, Zaire-Emery, Vitinha; Dembele, Mbappe, Kolo Muani