Kosova luan ndeshjen e radhës miqësore ndaj Komoreve nesër me fillim nga ora 19:00 në “Fadil Vokrri”.

Një ditë para ndeshjes në konferencë për media ka dal selekori i kombëtares Foda, së bashku me Albion Rrahmanin, shkruan Arbresh.info.

Foda lavdëroi ndeshjen e fundit të Kosovës me Armeninë, ku “Dardanët”, triumfuan me rezultat 5-2.

“Po, në përgjithësi, e mendoj se duhet të luajmë kështu më sulmues, 38 goditje në portë ndaj Armenisë janë diçka e rrallë”, tha ai.

Tutje, gjermani foli edhe për dy lojtarët e rinj Florian Haxhan dhe Baton Zabërgjën të cilët u paraqitën mjaft mirë ndeshjen e fundit.

“Kanë treguar cilësi të mirë. Janë lojtarë relativisht të ri, kanë potencial, shoh potencial dhe do të jenë lojtarë të së ardhmes”, u shpreh Franco Foda.

Për fund, Foda tha se e ka analizuar edhe kundërshtarit e radhës.

“Po, sot kemi analizuar mirë kundërshtarin e radhës, kanë trajner italian, luajnë me formacionin 4-3-3. Shumica e lojtarëve luajnë në Francë, sulmojnë shumë. Ndeshje jo e lentë, duhet të jemi më stabil në mbrojtje. Gjitha mundësitë duhet t’i shfrytëzojmë maksimalisht”, potencoi gjermani.

Që nga ardhja e Fodas si selektor Kosova ka luajtur 12 ndeshje përfshirë edhe miqësoret ku ka arritur tetë fitore e katër humbje, një prej tyre e humbur në tavolinë ndaj Rumanisë./Arbresh.info