Barcelona nesër luan sfidën e kthimit në “Giuseppe Meazza” ndaj Interit, në kuadër të gjysmëfinales së Ligës së Kampionëve.

Rezultati nga ndeshja e parë është 3-3 dhe gjithçka është e hapur për nesër, shkruan Arbresh.info.

Gjatë ditës së sotme në konferencë për media ka dal trajneri i Barcelonës, Hansi Flick.

Përveç gjithçka çfarë u diskutua lidhur me lojën e parë, takimin e dytë, mungesat për ndeshjen e nesërme, trajneri gjerman nuk kurseu lavdet për yllin e Barcelonës, Lamine Yamal i cili po kalon në formë të jashtëzakonshme.

“Shpresoj që tani të më njihni, kam qenë këtu për 8-9 muaj: kemi lojtarë të jashtëzakonshëm dhe Lamine është një prej tyre, ai është gjeni. Ajo që bën ai me topin është e pabesueshme, çdo pasim është i saktë dhe është një gjë e pabesueshme. Për mua ndeshja e parë ishte fantastike, por ne e dimë që ai mund t’i bëjë këto gjëra”, u shpreh Flick.

Yamal ka qenë fantastik në takimin e parë duke shënuar një super gol./Arbresh.info