FFK nesër drejt Budapestit për anëtarësimin e Kosovës në UEFA

18:09 | 1 Maj 2016
M. A.

Delegacioni i Federatës së Futbollit të Kosovës dhe mediet nesër do të udhëtojnë për Budapest, ku do të përcjellin Kongresin e UEFA-s, ku do të votohet për pranimin e Kosovës.

Nesër më 2 maj delegacioni i FFK-së Fadil Vokrri kryetar dhe sekretari i përgjithshëm Eroll Salihu, do të udhëtojnë për në Budapest ku janë të ftuar të marrin pjesë në kongresin e 40-të të UEFA-s, i cili fillon punimet më 3 maj e ku do të shqyrtohet edhe pranimi i FFK-së në UEFA.

Po ashtu nesër udhëtojnë për në Budapest edhe anëtarët e KE të FFK-së e ku do të jenë edhe dy ish kryetarët e FFK-së Agim Bytyqi e Sabri Hashani.

Në këtë kongres po ashtu do të marrin pjesë edhe një numër i madh i medieve, në mesin e tyre edhe Indeksonline, e cila do të raportoj nga vendi i ngjarjes.