Federata e Futbollit të Kosovës ka mbajtur mbledhjen e radhës, ku kanë diskutuar edhe për licencimin e federatës.

FFK edhe pse e kishte nisur që më parë procesin e licencimit, ky proces nuk ka përfunduar për shkak të problemeve dhe kritereve të kërkuara nga komisioni për licencim e që nuk janë plotësuar nga ky institucion.

Mirëpo sipas federata ka insistuar se ka mbushur kriteret dhe kërkon licencimin nga Ministria e Kulturës, Rinisë dhe Sportit.

“KE pret që Komisioni i MKRS-së të bëjë sa më parë licencimin e FFK-së dhe të klubeve sepse kjo zvarritje po reflekton në punën e përditshme të tyre dhe po ua pamundëson realizimin e të hyrave nga Ligji i Sponsorizimit. KE konkludoi se Komisioni i MKRS-së nuk ka asnjë arsye thelbësore që të mos e licencojë FFK-në, andaj edhe pret reflektim urgjent nga Komisioni i licencimit, në mënyrë që klubet të mos dëmtohen nga ky proces”, thuhet në njoftim.

Klubet e Superligës nuk mund të shfrytëzojnë ligjin për reklama, nëse federata nuk licencohet./Arbresh.info/