Kosova do të jetë mikëpritëse e Kampionatit Eurpian të Xhudos për herë të parë në histori.

Kampionati i Xhudos do të mbahet me 16 dhjetor 2023, në Pallatin e Rinisë dhe Sporteve në Prishtinë, shkruan Arbresh.info.

Mbi 100 xhudistë dhe mbi 50 shtete do të jenë pjesëmarrëse në këtë event ku pritet të garojnë për cmimin e madh 300.000 mijë euro.

Ndërsa ky është njoftimi i plotë i Federatës së Xhudos të Kosovës:

“Shumë të lumtur të ndajmë me ju identitetin zyrtar të kësaj ngjarje të rëndësishme si për vendin tonë ashtu edhe për sportin e xhudos në Evropë dhe botë. Logoja e Kampionatit Evropian është frymëzuar nga ngjyrat bardh dhe kaltër të Prishtinës, qytetit ku do të mbahet Kampionati; ilustrimit të objektit të Pallatit të Rinisë dhe Sporteve ku do të mbahet Kampionati me 16 dhjetor 2023; dhe ilustrimin e përshëndetjes – “Rei” – në xhudo si një ndër elementet kryesore të xhudos që simbolizon respektin dhe mirënjohjen, kështu për të reflektuar edhe vlerën kryesore të vendit tonë – mikpritjen – dhe për të dëshmuar traditën e xhudos në Kosovë, vendin e 3 medaljeve të arta olimpike”, njofton Federata e Xhudos.”

Ky projekt ka mbështetjen edhe të Ministrisë së Kulturës, Rinisë dhe Sportit dhe Federatës Evropiane të Xhudos./Arbresh.info/