Sulmuesi i kombëtares shqiptare, Ernest Muçi është duke kaluar në formë të jashtëzakonshme tek Trabzonspori.

Mbrëmë ai realizoi një tjetër gol në sfidën e Superligës turke ndaj Genclerbirligi, ku skuadra e tij u mposht 4-3, shkruan Arbresh.info.

Përveç golit të shënuar ylli kuqezi realizoi edhe një asistim.

Por me realizimin e tij nga penalltia, ai hyri në histori të klubit dhe arriti ta barazoj një rekord të brazilianit Paulo Henrique.

Ai ishte futbollisti i fundit që kishte realizuar gola në Superligën e Turqisë në pesë ndeshje radhazi para 11 vitesh. Teksa një gjë të tillë e ka arritur edhe Muçi.

Në pesë ndeshjet e fundit sulmuesi kuqezi ka regjistruar shtatë gola, duke konfirmuar formën e tij të jashtëzakonshme.

Nëse ai arrin të shënoj edhe në ndeshjen e ardhshme do ta shkruante emrin e tij me shkronja të arta në historinë e këtij klubi.

Takimi i radhës i Trabzonsporit është ndaj Kocaelisporit në Superligën e Turqisë./Arbresh.info