“Topçinjtë” janë poshtëruar edhe në stadiumin ‘Emirates’ në eliminimin historik dhe tronditës nga Bayern Munichu që bindshëm kalon në fazën tjetër të UEFA Ligës së Kampionëve.

Arsenali është mposhtur me rezultat 1 me 5 [2-10] në ndeshjen kthyese të xhiros së 1/8-së duke dështuar plotësisht në misionin e pamundur ndaj kampionit në Bundesliga, shkruan portali arbresh.info.

Theo Walcott shënoi golin e vetëm për Arsenalin para se ‘Bavarezët’ të “bombardonin” portën e David Ospinas.

Robert Lewandowski (55′), Arjen Robben (68′), Douglas Costa (78′), Arturo Vidal (80′)(85′) ishin autorët e pesë golave që dërguan drejt eliminimit për të shtatën herë skuadrën e trajnerit Arsene Wenger, epoka e të cilit përfundon këtu.

Ndryshe, kjo është hera e tretë që Bayern Munichu eliminon skuadrën angleze nga Liga e Kampionëve. Gjiganti gjerman ka mposhtur londinezët edhe në vitin 2013 dhe 2014./arbresh.info