Milani po e mendon transferimin e sulmuesit të Paris Saint-Germain, Hugo Ekitike, i cili është i hapur për t’u larguar nga kryeqyteti francez pas një sezoni të vështirë debutues.

Sulmuesi 21-vjeçar iu bashkua gjigantëve të Ligue 1 nga “Stade Reims” verën e kaluar, duke kaluar sezonin në huazim përpara se qëndrimi i tij të bëhej i përhershëm për rreth 28.5 milionë euro.

Ai ka nënshkruar një kontratë katërvjeçare me parisienët.

Ekitike luftoi për të treguar më të mirën e tij në Paris, i kufizuar në vetëm 12 starte në Ligue 1.

Gjatë 1154 minutave të tij në ligë, ai shënoi tre gola dhe dha katër asistime.

Siç raportohet nga Calciomercato.com, trajneri i Milanit, Stefano Pioli dhe drejtorët e klubit janë të dy tifozë të Ekitike dhe po mendojnë të bëjnë një lëvizje të mundshme këtë verë, duke pasur nevojë të marrin një sulmues të ri.

Për momentin, asnjë bisedë nuk ka nisur as me rrethinat e 21-vjeçarit dhe as me PSG-në, por kjo mund të ndryshojë në javët në vijim.

Milani është në kërkim të një sulmuesi për të plotësuar Olivier Giroud, i cili është ende qendërsulmuesi kryesor i klubit në moshën 36-vjeçare./Arbresh.info/