Egjipti i Mohamed Salahut ka siguruar kualifikimin për në fazën e 1/8 së finales të Kupës së Kombeve të Afrikës, pasi barazoi pa gola ndaj Angolës në ndeshjen e fundit të Grupit B. Me këtë rezultat, “Faraonët” e mbyllin grupin në vendin e parë me 7 pikë.

Në ndeshjen tjetër të grupit, u zhvillua një duel spektakolar mes Zimbabwes dhe Afrikës së Jugut, ku u shënuan plot pesë gola. Afrika e Jugut triumfoi me rezultat 2-3, duke siguruar vendin e dytë në grup me 6 pikë dhe biletën për fazën tjetër. Goli i fitores për afrikanët e jugut erdhi nga pika e bardhë në minutën e 82-të.

Angola përfundoi grupin në vendin e tretë me vetëm 2 pikë dhe, për shkak të golavarazhit dhe pikëve të pakta, nuk ka shanse të renditet si një nga katër skuadrat më të mira të vendit të tretë, duke u eliminuar nga turneu. Ndërkohë, Zimbabve e mbylli Grupin B në vendin e fundit me vetëm 1 pikë.

Ndërkohë, sonte në orën 21:00 zhvillohen dy ndeshjet e fundit të Grupit A, ku përballen Comoros–Mali dhe Zambia–Marok.

TABELA E GRUPIT B: