Barcelona pagoi 86 milionë euro tek Ajax dy vite më parë për kartonin e Frankie de Jong.

Holandezi është një nga lojtarët më të rëndësishëm të mesfushës së ekipit katalanas, por nuk përjashtohet largimi i tij nga “Camp Nou”.

Klubi spanjoll po kalon një periudhë të vështirë financiare dhe 24-vjeçari pritet të jetë “i sakrifikuari” i merkatos për të mbushur arkat bosh të klubit.

De Jong ka simpatizantë e adhurues të shumtë, me Pep Guardiolën mbi të gjithë.

Trajneri spanjoll e cilëson një lojtar perfekt për skemat e tij te Manchester City.

Kampionët e Anglisë kanë nisur bisedimet Barcelonën, që ka bërë të ditur pretendimet që ka për të lënë të lirë lojtarin tulipan.

Shuma që kërkon presidenti i Barcelonës, Joan Laporta është 100 milionë euro, shifër që “Citizens” nuk e kanë problem ta paguajnë, pavarësisht krizës ekonomike që ka shkaktuar pandemia e Coronavirusit.

Negociatat mes palëve vazhdojnë dhe Pep Guardiola e do mesfushorin në skuadrën e tij që në mërkaton e janarit./Arbresh.info