Driton Kuka një ditë përpara rikthimit në Kosovë, ka një mesazh

14:39 | 14 Janar 2021

Trjaneri Driton Kuka ka udhëhequr Kosovën në Judo edhe një herë tjetër duke arritur suksese të mëdha në World Judo Masters.

Ekipi Kosovar i xhudos ka qenë pjesëmarrës në garën e madhe Masters që u mbajtë në Doha të Qatarit.

Aty Kosova është përfaqësuar nga Distria Krasniqi, Majlinda Kelmendi, Nora Gjakova, Akil Gjakova dhe Loriana Kuka. Ku nga këta 5 garues, 4 prej tyre morën medalje, ndërsa Akil Gjakova në vendin e 7-të.

Një ditë përpara rikthimit në Kosovë, Driton Kuka, ka publikuar një postim në rrjetin e tij social Facebook, duke lavdëruar Disin, Majlindës, Norën, Lorianën e Akilin.

“Aq shumë kam në kokën time për të folur për garën World Judo Masters për nivelin e garës dhe medaljet e fituara e ku në plasmanin e përgjithshëm me 4 medalje e një plasman si shtet jemi edhe para Superfuqive si Rusia e Brazili që morën pjesë me ekipe me më se 30 garues”, shkroi ai në postim.

Ai thotë se në ditët në vijim do ta ndajë përformancën e secilit veç e veç me të gjithë.

“Kosova mbi të gjitha”, shkroi në fund Kuka.

Shpërndaje në rrjete sociale

Lajmet më të lexuara