Drita uron 28 Nëntorin me një video të veçantë

17:11 | 28 Nëntor 2024
D.H

28 Nëntori është një ditë e veçantë për mbarë shqiptarët anë e mbanë botës.

Dita e Pavarësisë së Shqipërisë, datëlindja e komandantit legjendar, Adem Jashari dhe dalja e parë publike e Ushtrisë Çlirimtare të Kosovës, janë tri festa që kremtohet nga shqiptarët në këtë ditë, shkruan Arbresh.info.

Ndërkohë një festë e veçantë ishte edhe në kampin e klubit të Dritës nga Gjilani, ku gjatë stërvitjes së sotme kanë dal në fushë me flamuj kombëtar dhe plisa në kokë.

Kjo video është e publikuar në rrjetin social të klubit nga Gjilani ku kanë uruar gjithë shqiptarët për këtë ditë.

“28 Nëntori, dita e krenarisë kombëtare! Lojtarët e FC Drita, me flamurin kuqezi në zemër, nderojnë historinë dhe bashkojnë zemrat tona”, shkruhet në urimin e liderit aktual të Superligës së Kosovës.