Drita u shpall kampion i Superligës së Kosovës në futboll për edicionin 2024/25, duke lënë pas një dominim tre-vjeçar të Ballkanit.

Titulli u kthye në Gjilan pas pesë vitesh, teksa ky ishte i katërti në histori të klubit, shkruan Arbresh.info.

Ditën e diel skuadra nga Gjilani luan ndeshjen e fundit ndaj Feronikelit ’74 në kuadër të Superligës së Kosovës, ku edhe do të kurorëzohet me titull.

Pas ndeshjes kryesia e klubit ka organizuar një festë të madhe për tifozët si dhe të gjithë qytetarit e Gjilanit, që u rrah zemra për Dritën.

Me fillim nga ora 19:30 tek Teatri i Qytetit, pritet të performojnë yje të ndryshëm të muzikës shqiptare.

Këtë e ka bërë të ditur Drita përmes një postimi në rrjetin social Facebook.

“Gjilani do të jetë bardhë e kaltër! Pas një sezoni plot sakrificë, pasion dhe krenari, FC DRITA shpallet për herë të KATËRT kampione e Superilgës së Kosovës dhe këtë e festojmë me ju, për ekipin, për qytetin dhe mbi të gjitha për INTELEKTUALËT”, shkruhet ndër të tjera në postimin e Dritës./Arbresh.info