Mbrojtësi i Barcelonës, Sergino Dest ka pranuar se është i nervozuar me humbjen ndaj Real Madrid-it 1 – 3.

19-vjeçari u bë amerikani i parë që luan në “El Clasico”, mirëpo skuadra katalunase u mposhtë në “Camp Nou”, transmeton portali arbresh.info.

Pas ndeshjes, Dest tha se kanë merituar më shumë, sidoqoftë duhet të kthejnë vëmendjen te Juventus-i.

“El Clasico është ndeshje e mirë për të luajtur. Ishte ndeshja ime e parë, por është turp që humbëm të Real Madrid-i”.

“Ishte ndeshje shumë e vështirë. Kishim shanse edhe ata, por ishin më të suksesshëm dhe shënuan gola”.

“Por, duhet të shkojmë në ndeshjen e radhës. Kemi ndeshjen të mërkurën kundër Juventus-it në Ligën e Kampionëve dhe të fitojmë”, deklaroi ai.

Dest e ka fituar vendin në formacionin titullar, duke lënë pas Sergi Roberto-n./arbresh.info.