Ad Banner
Ad Banner
Ad Banner
Ad Banner

Dështon Interi, Spallettit i lëkundet karrigia

21:03 | 3 Shkurt 2019
A Z

​Interi befasisht është mundur 0-1 në “Giuseppe Meazza” nga Bologna
Trajneri i Interit, Luciano Spalletti, duket se i ka orët e numëruara në stolin e klubit italian.

Pas eliminimit nga Kupa e Italisë nga Lazio, Interi ka dështuar sërish, kësaj radhe në Serie A.

Skuadra e Spallettit ishte e pafuqishme ndaj Bolognas, duke pësuar humbje 0-1 në shtëpi, e gjashta deri më tani në Ligë.

Ishte Federico Santander ai që realizoi golin e vetëm dhe të tri pikëve për mysafirët në minutën e 32’, duke ia lëkundur kështu fort karrigen Spallettit, që mund të shkarkohet nga dita në ditë.

Ka disa ditë që raportohet tashmë në Itali se Antonio Conte, ish trajneri i Juventusit e Chelseat, pritet ta zëvendësojë Spallettin.

Kjo humbje, e lë Interin në pozitën e tretë me 40 pikë, 11 më pak se Napoli dhe pesë më shumë se Milani në pozitën e katërt.

 

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm