Denis Suarez nuk është stërvitur sot (e martë) te Barcelona dhe nuk do të stërvitet më këtë sezon.

Mesfushori ka marrë leje nga klubi për të finalizuar transferimin e tij te Arsenali, transmeton portali arbresh.info. Barcelona i është rikthyer orë më parë bisedimeve me klubin londinez dhe një marrëveshje është arritur.

Suarezit i është dhënë leje për të kryer procedurat dhe nuk do të jetë në dispozicion për ndeshjen e nesërme në kuadër të Kupës së Mbretit kundër Sevillas.

Transferimi i lojtarit në Emirates pritet të konfirmohet nga klubet brenda orëve të ardhshme, ndonëse një gjë e tillë tashmë është bërë nga trajneri Ernesto Valverde.

Lojtari ka rënë dakord për të shpenzuar pjesën e mbetur të sezonit te klubi në Angli pasi rinovoi fillimisht kontratën e tij me gjigantin katalunas deri më 2021.

Arsenali do të paguaj dy milionë euro për shërbimet e tij./arbresh.info/